Lois Blanco escribe hoxe, no seu blog Ciendiasfeijoo de La Voz de Galicia, que “a mellor forma de respecto cara os asuntos lingüísticos sería reservando os detalles das reformas para o Parlamento, en vez de facelo en cadeas estatais que, por distancia ou ideoloxía, teñen unha querencia igual a cero máis cero cara a nosa lingua propia, que non é outra máis co galego”.
O autor fai este comentario en relación co feito de que o presidente da Xunta só se veña referindo, ata agora, a algún dos seus proxectos importantes cando fala dende medios de comunicación de fóra de Galicia, a Cope e Antena 3, por exemplo, nos que falou recentemente da reforma do decreto do galego e da lei da función pública.
Eefectivamente, a Núñez Feijóo parece térselle contaxiado o cosmopolitismo militante do seu conselleiro de Cultura, e quizais abre a boca de máis cando lle acercan un micrófono de Madrid e de menos cando debería falar para a súa propia casa. Se cadra, como lle reprocha Blanco, mesmo avanza neses medios de fóra detalles que deberían ser coñecidos antes no Parlamento. Deus nos libre de que lles dea á BBC ou á CNN por vir entrevistalo. Daquela saberemos como vai gobernar vía Londres ou Atlanta.
1 comentario:
Queda claro que Lois Blanco non é aínda Roberto Blanco valdés, o cal é bo. Pero un, que é desconfiado por natureza, pensa que o comentario é máis un laio porque as comunicacións de Feijoo non se fan desde onde terían que facerse, naturalmente La Voz de Galicia.
Ramiro Cartelle
Publicar un comentario